मलेसियामा गैरकानुनी आप्रवासीमाथि धरपकड, सयौं पक्राउ

मलेसिया — मलेसियाले गैरकानुनी आप्रवासी कामदारमाथि आइतबारदेखि थालेको धरपकड अभियानको पहिलो दिनै सयौं आप्रवासीहरु पक्राउ परेका छन् ।

गैरकानुनी आप्रवासी कामदारलाई वैधानिक प्रक्रियामा ल्याउन यसअघि संचालन गरिएको ‘पुन: भर्ना एवं दर्ता कार्यक्रम’ को समयावधि शनिबार सकिएलगत्तै थालिएको धरपकडमा आइतबार राजधानी क्वालालम्पुर र आसपासका क्षेत्रबाट मात्रै २२९ जना आप्रवासीहरु पक्राउ परेका हुन् । देशका अन्य क्षेत्रमा समेत विदेशी कामदारहरु पक्राउ परेका खबरहरु सार्वजनिक भएका छन् ।
अध्यागमन अधिकारीहरुको नेतृत्वमा आइतबार दिउंँसो राजधानी क्वालालम्पुरका जलान तुन रजाक, सेन्ट्रल मार्केट, पासार सेनि, लेबु पुडु, मेडान पासार, पेतालिङ स्ट्रिट, जलान सिलाङ लगायत क्षेत्रबाट उनीहरु पक्राउ परेका मलेसियाली संचारमाध्यमहरुले उल्लेख गरेका छन् ।
ती अधिकारीहरुले ती ठाउँहरुमा दिउँसो २ बजेदेखि बेलुका अवेरसम्म खानतलासी गरेका थिए ।
उक्त अवधिमा करिब १ हजार ६ सय ७२ जना आप्रवासीहरुमाथि खानतलासी गरिएको र तीमध्ये गैरकानुनी अवस्थामा भएको पाइएका २२९ जनालाई पक्राउ गरिएको समाचारहरुमा उल्लेख छ । तीमध्ये कति नेपाली छन्, भन्ने पूर्ण जानकारी सार्वजनिक गरिएको छैन । यद्यपी पक्राउ परेकाहरुमा बढीजसो इण्डोनेसियाली र बंगालदेशी नागरिकहरु रहेका छन् तर नेपालीहरु भने न्युन रहेको हुनसक्ने अनुमान छ ।
यसअघि पुन: रोजगारी अर्थात ‘रिहाइरिङ’ कार्यक्रममार्फत अस्थायी श्रम स्विकृतिका लागि दर्ता हुन दिइएको करिब अढाई वर्षे (सन् २०१६ फेब्रुवरी १५ देखि यता) अवधिमा समेत उक्त प्रक्रियामा सहभागी नभई लुकीछिपी काम गरिरहेका गैरकानुनी आप्रवासीहरु सरकारको निशानामा छन् । अधिकारीहरुले दोषी आप्रवासी कामदार र उनीहरुलाई रोजगारी दिने रोजगारदाता दुवैलाई कडा कारबाही हुने चेतावनी दिएका छन् ।
धरपकड अभियान आफैं सहभागी भएका अध्यागमन विभागका प्रमुख मुस्ताफिर अलीले आइतबार पत्रकार सम्मेलन गर्दै गैरकानुनी आप्रवासीहरुको समस्या मुलुकका लागि ‘दुषित’ भएकाले यस्तो उक्त कदम चालिएको बताएका छन् । उनका अनुसार यसैबर्ष जनवरीदेखि आइतबारसम्ममा गैरकानुनी अवस्थमा रहेका १९ हजार ९ सय ६९ जना कामदार र ५३६ जना रोजगारदाताहरु पक्रा परिसकेका छन्, तीमध्ये बहुसंख्यक इण्डोनेसियाली छन् । पक्राउ पर्नेहरुमा ६,८७१ जना इण्डोनेसियाली, ३,९३५ बंगलादेशी, २,०११ फिलिपिनो, १९९० जना बर्मेली र बाँकी नेपालसहित अन्य मुलुकहरुका रहेका अध्यागमन विभागको तथ्यांकमा उल्लेख छ ।
सरकारी तथ्यांकअनुसार गत अढाईबर्षयता ८३ हजार ९ सय १९ रोजगारदातासाग सम्बद्ध ७ लाख ४४ हजार ९ सय ४२ जना गैरकानुनी आप्रवासी कामदार अस्थायी श्रम स्विकृति लिने प्रक्रियामा दर्ता भएपनि तीमध्ये ३ लाख ७ हजार ५ सय ५७ जना मात्रै पूर्ण प्रक्रियापछि श्रम स्विकृति प्राप्त गर्न योग्य भएका थिए । तर अझैपनि कयौं त्यस्ता कामदारहरुले स्वास्थ्य परिक्षण, बायोमेट्रिक लगायत प्रक्रियामा सामेल भएपनि श्रम स्वीकृति पाइ नसकेका गुनासोहरु छन् ।
देशव्यापी धरपकड अभियानसंगै गैरकानुनी कामदारहरुलाई स्वदेश फर्कनका लागि आगामी अगष्ट महिनासम्मको समयावधि दिइएको छ । तर कयौं नेपालीहरु घरफिर्तीका लागि आवश्यक पर्ने एकतर्फी यात्रा अनुमति पत्र लिनका लागि क्वालालम्पुरस्थित नेपाली दुतावाससम्म आउँदा बाटैमा पक्राउ परिने पो हो कि भन्ने त्रासमा छन् ।
विदेशी कामदारहरुको लागि चर्चित पकड क्षेत्र मानिएको क्वालालम्पुरका जलान सिलाङ (कोताराय) आसाासमा आइतबार दिउँसो व्यापक धरपकड हुँदा त्यहाँ रहेका नेपाली, बंगलादेशी, स्थानीय लगायतका व्यवसाय दिनभर प्रभावित रह्यो । नेपाली, बगलादेशी लगायत ग्राहक लक्षित अधिकांश रेष्टुराँ तथा पसलहरु समेत धरपकडको प्रत्यक्ष प्रभावमा परे, दिनभर जसो बन्द थिए ।

Comments

comments

अरु समाचार

विवाह-वन्धनमा बाँधिए बेलायती राजकुमार ह्यारी र मार्कल (फोटो फिचर)

बेलायत, ५ जेठ एएफपी ः बेलायतका राजकुमार ह्यारी शनिबार अमेरिकी पूर्वअभिनेत्री मेगन मार्कलसँग विवाह बन्धनमा बाँधिनुभएको छ । राजधानी लण्डनभन्दा झण्डै ३० किलोमिटर पश्चिममा...

जेरुसेलममा अमेरिकी दूतावास खुलेसँगै प्रदर्शन, भिडन्तमा ५५ मारिए, २७…

जेरुसेलममा अमेरिकाले दूतावास खोलेको विरोधमा गाजा क्षेत्रमा सोमबार भएका प्रदर्शनका क्रममा भएका भिडन्तमा ५५ प्यालेस्टाइनीको मृत्यु भएको छ  भने २७०० घाइते भएका छन् । प्यालेस्टाइनी...

बेलायतको स्थानीय चुनावमा तीन नेपाली विजयी

बेलायतमा बिहिबार सम्पन्न स्थानीय निकाय निर्वाचनमा नेपाली मूलका तीन जना काउन्सिलर निर्वाचित भएका छन्।  लक्ष्य गुरुङ, विष्णु गुरूङ र चित्र राना काउन्सिलर निर्वाचित भएका...

© Paschim Khabar 2017 - All Right Reserved.